Teatr týraly | Қостанай облысы әкімдігі мәдениет басқармасының "Облыстық қуыршақтар театры" КМҚК
                                


Teatr týraly

   1986 жылдың  31 желтоқсанында А. Садовскийдің «Машенька и медведь» спектаклімен Қостанай қаласында қуыршақ театры ашылды.  Бұл спектакль біздің театрымыздың тарихында маңызды бастама болып табылады. Қазіргі уақытта театр репертуарында 40-тан астам спектакль бар, олардың көпшілігі әртүрлі деңгейдегі қуыршақ театрларының фестивальдерінде біздің облысымызды және елімізді танытып, бірнеше рет лауреат және дипломант атанды.
   1999 жылы Қостанай облыстық қуыршақ театры М. Горький атындағы облыстық орыс драма театрымен біріктірілді. Қазақстандағы жалғыз, жанры мен ерекшелігі мүлдем өзгеше екі шығармашылық ұжымның бірегей одағы Қостанай облыстық драма және қуыршақ театры мәртебесін алды.
   2012 жылы Қостанай облысы әкімдігі мәдениет басқармасының «Қостанай облыстық орыс драма және қуыршақ театры» мемлекеттік коммуналдық қазыналық кәсіпорнын қайта ұйымдастыру туралы әкімдіктің шешімімен «Облыстық қуыршақ театры» коммуналдық мемлекеттік қазыналық кәсіпорны құрылды.
   Облыстық қуыршақ театры мәртебесінде қуыршақ труппасы өзінің   27-ші театр маусымын өз ғимаратында ашты.
Шығармашылық жағынан қойылатын спектакльдер өзгеріссіз қалады, олар орысша, қазақша  және ең үздік шетел драмматургиясының шығармасы бойынша қойылады.  «Еще раз о Красной Шапочке» (С. Ефремов), «По-Щучьему велению» (А. Гараховская), «Теремок» (С. Маршак), «Три поросенка» (С. Михалков), «Белая дочь степей» (Г. Кулунчакова), «Приключения медвежонка Рим-тим-ти» (Я. Вильковский), «Ястребок» (И, Я. Златопольские), «Песню пой, моя домбра!» (А. Қарасай)  және тағы басқа балалардың спектакльдері балалармен сүйсіне қаралып, оларды қуантып келеді.
Біздің актерлеріміз қуыршақтардың әр түрімен –планшетті, қолғапты, үлкен қуыршақтармен жұмыс жасайды, бұл спектакльдерді кішкентай және үлкен көрермендер үшін әртүрлі, мүлдем жаңа, үнемі қызықты етеді. Театр репертуары әр маусымда жаңа қойылымдармен толықтырылады. 
 Осы жылдар арасында театр Қазақстан мен Рессейдің бірқатар мәртебелі дипломдары мен марапаттарын иеленді:
  • 2002 жылы Алматы қаласында өткен Бірінші Республикалық қуыршақ театрлары фестивалінде ең үздік сценография үшін Э. Бобровтың пьесасы бойынша қойылған «Приключения Светлячка» спектаклі Гран - при  жоғары марапатына ие болды.
  • 2003 жылы «Большой Урал – Приволжье» IX қуыршақ театрлар фестивалінде (Пермь, Ресей) Э. Бобровтың пьесасы бойынша қойылған «Приключения Светлячка»  спектаклі кіші жас санатында 1 орын және көрермендер көзайымы сыйлығын алды.
  • 2006 жылы Челябинск қаласында (Ресей) өткен «Соломенный жаворонок» I Халықаралық қуыршақ театрларының фестивалінде Н. Дворскийдің «Прыгающая принцесса» спектаклі арнайы жүлдеге иеленді.
  • 2007 жылы Ақтау қаласында өткен «Ортеке» I Халықаралық қуыршақ театрларының фестивалінде Д. Құсайыновтың, Х. Булибековтың пьесасы бойынша «Нужно быть нужным» спектаклі I дәрежелі дипломмен марапатталды.
  • 2011 жылы театр Я. Вильковскийдің «Приключения медвежонка Рим - Тим -Ти» спектаклімен Астанада өткен Қостанай облысының мәдениет күндеріне   қатысты.
  •  2013 жылы театр Астана қаласында өткен «Ортеке» Халықаралық қуыршақ театрларының фестиваліне С. Коган мен С. Ефремовтың «Еще раз о Красной Шапочке» спектаклімен қатысты. 
  •  2015 жылы Қостанай қаласында өткен «Ортеке» Халықаралық қуыршақ театрларының  фестивалінде В. Павловскистің «Лисенок – Плут» спектаклімен қатысып, үздік сценография үшін фестиваль дипломымен марапатталды.
  • 2016 жылы Жеңістің 70 жылдығына арналған Ирина мен Ян Златопольскийлердің «Ястребок» спектаклі «Ең үздік балалар спектаклі» номинациясы бойынша Қазақстанның ТҚО дипломына ие болды.
  • 2018 жылы Ақтөбе қаласында өткен «Ассалаумағалейкум-v» Халықаралық қуыршақ театрларының фестиваліне А. Қарасайдың «Песню пой, моя домбра!» қатысып, фестиваль дипломымен марапатталды.      
   2013 жылы біздің театрдағы қуыршақтар «Нужно быть нужным» (Д. Кусаинов, Х. Булибеков) спектаклінде алғаш рет қазақ тілінде сөйледі.
   2019 жылы І Омаров атындағы Облыстық қазақ драма театр актерлерінің қатысуымен Г. Ландаудың пьесасы бойынша  «Ку - ка - ре-ку» спектаклі қазақ тілінде қойылды.
   2017 жылдың қараша айында театр «Тикетон» компаниясымен бірге электронды билеттерді сату бойынша жұмыс жасай бастады.
   Театр көп гастрольдерге шығады, қайырымдылықпен айналысады, сондықтан риза болған көрермендер бізді қалалар мен шалғай ауылдарда, интернаттар мен балалар үйінде асыға күтеді. Театр труппасында жарқын тұлға болатын жас актерлер ұжымы жұмыс істейді.
   Қостанай облыстық қуыршақ театрының тарихы әртүрлі шығармашылық оқиғаларға бай және алда көптеген шығармашылық табыстар мен жеңістер болады деп сенеміз.
 

Ақпараттық серіктестер