Oqıǵalar

  Театр әртісі Арман Маганбетов күрделі конкурстық іріктеуден өтіп, Ресей халық әртісі Александр Калягиннің жетекшілігімен РФ ТҚО XVI Халықаралық жазғы театр мектебіне қатысуға бірегей мүмкіндікке ие болды.                                                                                                                                                                                                                                                                                                  
  Биыл бір айлық білім беру курсы 20 маусым мен 18 шілде аралығында РФ Мәскеу облысының Звенигород қаласында өтеді. Оған әлемнің 10 елінен 95 жас әртіс жиналды. Жоба аясында Ресейдің үздік жоғары оқу орындарының жетекші мамандары жан-жақты білім беру бағдарламасын іске асырады. Оқу барысында студенттер негізгі актерлік пәндер: сахналық сөйлеу, сахналық қозғалыс, ритмика, заманауи би және фехтование бойынша дайындықтан өтіп, театр өнерінің шеберлерімен шығармашылық кездесулерге, репетицияларға қатысып, Мәскеу мен Мәскеу облысының танымал театр алаңдарында спектакльдер қойып көрсетеді. Жас әртістер үшін бұл біліктіліктерін арттырып, кәсіби өсуі мен дамуына маңызды қадам.
Жазғы мектепті аяқтағаннан кейін қатысушылар актерлік біліктілігін арттыру туралы сертификаттар мен дипломдар алады.

---