Oqıǵalar

Театрдың мерейтойлық жылында қаланың кітапханалары,
мұражайлары және мектептерімен бірлескен іс-шаралар жоспарланған.
Осындай іс – шара Балалар шығармашылығы мектебінде өтті. Театр
әртістері Корниенко Ирина мен Латыпова Варвара қызықты шеберлік
сабағын өткізді. Қуыршақтар мен қуыршақ театры әртісі мамандығы
туралы көптеген қызықты мағлұматтар айтып, қуыршақтарды басқару
тәсілдерімен балаларды таныстырды және басқа кейіпкерге ауысу
шеберлігін іс жүзінде көрсетті. Балалар болып жатқанды мұқият
тамашалап, әртістердің жұмысымен танысты. Өздерін актер рөлінде сынап
көруге мүмкіндік пайда болған кезде, тілек білдірушілер саны көп болды.
Балалар қуыршақты қимылға келтіріп, оларды дыбыстай отырып,
импровизация жасады. Кездесу көңілді билермен және фотосессиямен
аяқталды.

Облыстық қуыршақ театрының репертуары тағы бір жарқын
қойылыммен толықты. 10, 11 сәуірде «Путешествие с Красной Шапочкой»
спектаклінің премьерасы өтті. Сахналау авторы және режиссеры –
Ю. Семенова.
Жаңа және ерекше интерпретациядағы әйгілі ертегі алғашқы
минуттардан бастап кішкентай көрермендердің көңілін баурап алды. Балалар
өздерінің эмоциялары мен сезімдерін жасыра алмайтын ерекше аудитория.
Егер спектакль ұнамаса, бала оның соңын шыдамдылықпен күтіп,
отырмайды. Ал «Путешествие с Красной Шапочкой» спектаклін кішкентай
көрермендер үлкен қызығушылықпен тамашалап, актерлердің сұрақтарына
жауап бере отырып, оған белсенді қатысты және Қызыл телпек пен оның
әжесіне жанашырлық танытты. Қойылым өте әсерлі, музыкалық және терең
мағыналы, нақты тұжырымдары мен ғибраты бар болып шықты. Бұл ертегі
бұрыннан белгілі шындықтарға жаңаша көзқараспен қарап, дұрыс
қорытынды жасауға көмектеседі.
Біздің қымбатты көрермендерімізге керемет пікірлері мен қошеметтері үшін

алғыс білдіреміз!

Шығармашылық ұжымға тамаша қойылым және жарқын актерлік жұмыс

үшін үлкен рахмет!

27 наурызда, Халықаралық театр күні Облыстық қуыршақ театры өз көрермендеріне тосын сый дайындап, қуыршақтардың жұмбақ әлеміне енуге және сахна сыртындағы құпиялармен танысуға мүмкіндік берді. «Театр түнінде» көрермендер «Непоседы», «Волк, коза и козлята», «Дюймовочка», «Песню пой, моя домбра!» және «Золотой цыплёнок» спектакль үзінділерін көріп, қойылымның қыр – сырын біліп, өздерін актер рөлінде сынап көрді. Сондай-ақ, қонақтар қуыршақтарды жасау және оларды бояу мүмкіндігіне ие болды. Облыстық тарихи - өлкетану мұражайымен бірге театр фойесінде театрдың 35 жылдық мерейтойына арналған көрме ұйымдастырылды, онда келушілер театр тарихындағы қызықты фактілермен танысып, Толстой көшесі, 53-үйде қуыршақ театрының ашылуынан 1986 жылғы заттарды тамашалай алды. Соңында көрермендерге режиссер Дина Жұмабаеваның «Старик и море» спектаклі көрсетілді.
 

Қуыршақ театрының 35 жылдығына орай және Халықаралық театр күні қарсаңында Ы.Алтынсарин атындағы ОБЖК бірлесіп «Волшебники театра кукол» атты шеберлік сабағы ұйымдастырылды. Балаларға түрлі спектакльдерден үзінділер көрсетіліп, олар өздерін ертегі кейіпкерлері рөлінде сынап көрді. Актерлер театр қонақтарымен спектакльді қою бойынша жұмыстың құпияларымен бөлісті, қуыршақтардың түрлері, оларды жасау құрылымы мен технологиясы және өз кәсібінің қыр-сыры туралы әңгімеледі. Кездесу қызықты, танымды, жарқын әсерлер мен қуанышқа толы болды!
 

 Бүгін Қостанай облыстық қуыршақ театрында 2020 жылдың жұмыс қорытындысы және 2021 жылға арналған жұмыс жоспарын талқылау бойынша театр ұжымының Қостанай облысы мәдениет басқармасының басшысы  Е.Б. Қалмақовпен есептік кездесуі өтті.                                                                                                                                                                      

Жаңа жылдық шырша – біздің үй мен пәтерімізде ерекше орын алатын жаңа жылдың символы. Көптеген адамдар үшін шыршаны орнату және безендіру нағыз рәсімге айналған.


 

Қазақстан Республикасының Тәуелсіздік күнімен шын жүректен
құттықтаймыз! 16 желтоқсан - еліміздің ең маңызды мерекелерінің бірі.
Дәл осы күні, 1991 жылы, біздің республика әлемдік аренада өз позициясын
нық бекітіп, бірлік пен өркендеудің нышанына айнала отырып, тәуелсіз,
демократиялық және құқықтық мемлекет мәртебесіне ие болды. Біздің еліміз
өркендеп, бай дәстүрлерімен, мейірімді халқымен, ұлы тарихымен және
үлкен мүмкіндіктерімен танымал болсын.
Сіздерге зор денсаулық, бейбітшілік, өзара түсіністік пен келісім
тілейміз. Тәуелсіздігіміз тұғырлы, халқымыз ғұмырлы болып, еліміздің
ертеңі  жарқын, болашағы баянды болсын!

Қазақстан Республикасының Ақпарат және қоғамдық даму министрлігі «Ашық диалог» интернет-порталында «Рухани жаңғыру» бағдарламасын іске асыру тиімділігі туралы» тақырыбына сауалнама жарияланғанын хабарлайды. 

 Қостанай облыстық қуыршақ театрының сайтына қош келдіңіз. Сіздермен жаңа кездесу болады деген үмітпен театр әртістері Эрнест Хемингуэйдің «Старик и море» («Шал мен теңіз») повесі бойынша жаңа спектакль дайындады. Спектакльді қою үшін танымал режиссер Дина Жұмабаева және Алматы қаласынан қоюшы – суретші Юлия Чернова шақырылды. Бұл қойылым біздің көрермендеріміз үшін күтпеген жаңалық болады.